Möchten Sie zur mobilen Version wechseln?
Kanzleimarketing
- wo Genuss und Tradition zu Hause sind -

Über uns

d´Moser Alm

San´s grod  a glei drei heisa
in dera  buggladn   gegnd.
S  Moser is des kleana,
so vü hoid grod  zan lebm.

Und  wias  hoid so geht,
waunnst  oid  wiast  und graung,
daun  muasst ois  valossn
unds eachtl  kimmt  in gaunz fremde händ.

A rossrensch  haums gmocht draus
mit oim drum und drau
und a wirtshaus  dazua zan essn
und zur gmiatlichkeit z gleich.

Da wiad is a rossfreind,
hod  söwa  a  gschpaunn
zwoa schümmi voa da kutschn,
so foaht a  durchs laund.

An rostplatz fürd  rössa
zum training und schport
gor an schlofblozz  fürd  fuahrleit,
für ois  is do  gsorgt.

A herz nu fürs brauchdum,
fürd   musi und an xaung.
Do  kaunnst di woifühn,
do  bist dahoam.

Liegt so schee  auf da auhee
siachst umadum aus
s griasst  uma ruddnstoa
lond zan waundan ei d stross.

Waunnst  des amoi xeng  host
soxd, jo, des is ma glegn.
Drum werd i de Moser Alm
glei  boid wieda  amoi segn.

Maria Auer Königswiesen

d´Moser Alm – Brettljausn

In Mönchdorf, auf da Moseralm,
is´s wirklih – wunderschen.
Da kann man reitn, Kutschnfahrn
und ah guat wandern gehen.

Doh ganz was Bsunders is bestimmt,
des schene Gasthaus drobm.
Weil d´Wirtsleut sand sooo liab und tüchti
Man kanns´ja net gnua lobm.

De feschn Töchter, ´s Personal,
ja oille helfm zaum,
dass ja de Gäst´ da auf der Alm,
recht schen und gmiatlih haum.

Da Wirtin ihre Mehlspeisen
sand ehrlih woahr – a Traum
und´s Kistnbratl, da rinnt´s Wasser
ban Redn im Mund scho zaum.

Eahna preisgekrönte Brettljausn,
ja des is ollerhand,
ghert jetzt gar zu de bestn Drei
in unserm Hoamatland.

Doh d´Gäst da auf der Moser Alm
sagn: „Des is´uns net neich
für uns gherts ja seit eh und je –
za de Bestn va ganz ÖSTERREICH!“

Elfriede Guttenbrunner

Moser Alm Mönchwald 6 4281 Mönchdorf Österreich +436641413335 http:/www.moseralm.at/